我和這位朋友相識了5年以上

她有一次告訴我,她經常見鬼.
有一次﹐她在睡房睡覺﹐
在朦朧中發現有一個男子站在她床邊望著她﹐手拿著玫瑰。
她告訴我﹐這不是第一次了....

我都有过类似的经历

真的啊? 你有沒有嚇倒呢?

我都有咁上下既經歷~
情況係咁既...

話說我響一間MOTEL度長住,
開頭覺得幾過癮~~
跟住怪事就發生喇...

我D枕頭套會無端端自己爛,好似有人用手指抓爛咁...換左又爛,換左又爛...

不過我從來都無同人講過呢件事

有一次有個FRIEND 帶埋個FRIEND黎我間房拎D野...

留左唔係好耐,我個FRIEND個FRIEND響我間房一直都黑住面...

佢地走左幾個星期之後,我個FRIEND同我講話佢個FRIEND 感覺到我間房有鬼...所以佢一直都黑住面~

我至同我個FRIEND講返我爛枕頭套既怪事..

之後我住多2個月就搬走LU~~果陣時其實唔係太驚...

但係依家諗返起...有少少驚...

問你怕未?

我曾經有一次．都好耐以前嘅事喇．

我經常送我個女朋友返屋企 (薄夫林，美麗灣，碧麗道)．隔籬係瑪麗醫院同一個好大嘅天主教墳場．

佢係住一間三層式嘅類似西班牙別墅．每層嘅單位門口，都有一個樓梯燈掣．按，三層樓嘅樓梯燈，都會開著十分鐘．

當晚，我送佢返屋企，晌樓下按掣後，就同佢一齊行上樓．到二樓同三樓轉彎嘅時候，所有樓梯燈突然全部熄晒．就哩一刻，我見到一個全身白色面目模糊嘅人影，晌轉角嘅牆上 (貼牆)．

我見到之後，兩腳無力，全身發麻．祇可以企晌度唔郁．我女朋友大聲哎“呀！咩黎架”．佢嘅一聲，我即時嘅反應就話“走！！！！”；就同我女朋友跑上去佢屋企．到佢門口，ｄ燈竟然又全部著返．我晌佢屋企逗留幾分鐘，叫架的士．等架車到，我就一個人，按樓睇燈掣，一口氣跑返落街上車返屋企．

需然我不斷話俾自己聽，每當熄燈後果幾秒鐘，對眼唔多唔少都會有幻覺．但到依家，我仲好清楚記得果過「影」嘅「模糊」樣．

上次我住緊戈座大廈…中午有人跳樓自殺…
(當時我同Ah Kin都見到個屍體…怕怕 )
到左夜晚，當我地從屋企步出走廊等電梯…
我地仲講緊中午的跳樓事件…
電梯一到，我地入左去，我"禁"左G樓…
點知個電梯冇啦啦升緊上去…
我驚到想喊…(因為跳樓戈個人住係22樓，我好怕個電梯會上到去…)
之後我求其去到10樓就出左電梯…
睇住部電梯升…點知…真係升左上22樓…停左係度
部電梯再落返黎10樓接我地既時候…
係冇人架入面…
嚇死我

我試過響大堂閉路電視見到有個男人係入面,點知格lift落到G樓,冇人出尼...
結果我搭左冇我果層既單數lift返屋企...

我係住o係我棟大廈最高o個層o既...
通常架lift上緊o既時候...lift以下o既樓數都唔會禁到
只有o係lift以上先可以..所以到左我o個層唔應該有燈會著
點知有一次..架lift上到黎...佢竟然著住左地下o個層
o個下有少少驚...
不過我都係當佢係機器故障算....