1960年代
1960年代的路邊漫畫檔
1964年
《老夫子》－ 王澤
咁經典既漫畫你未睇過？ 咁點都聽過掛？都冇聽過？！來人啊..捉佢出去重打３０大板！
於1964年出版單行本；老夫子是一個「老頑童」，烏龍百出；當然故事主角還有秦先生及大番薯，不得不提既係老夫子既夢中情人陳小姐。
1966年始
《13點》－ 李惠珍
嘩！呢套係經典漫畫中我既favourite！點解？咁咩年代既女仔都係貪靚架嘛。嘻嘻 ^_^
於1966年創作的《13點》，素被譽為香港的「少女漫畫經典」，奉作者為紙上時裝設計師。故事環繞著聰明美麗、愛打抱不平的少女13點和她的朋友而發展。
《牛仔》－ 王司馬
呢套漫畫我小學既時候都有睇過，好cute..好趣緻架！
四格漫畫，契爺是個光頭鬍子的畫家，牛仔是個愛穿「人字拖」的小孩，仲係一個欠打小孩。XD
1970年代
《財叔》－ 許冠文
呢本我就未睇過啦，不過作者係大家都認識既許冠文，一代笑匠喎，畫既野應該都會幾好睇。
話說係一本以抗日為題材的漫畫。
(有見過資料話係60年代末..但係香港文化博物館話佢係70年代..就當佢係70年代啦 XD)
1970-75
《小流氓》－ 黃玉郎
呢本未聽過？記唔記得邊個係黃小虎？
1975 年
《龍虎門》－ 黃玉郎
因為香港政府改咗條例..所以《小流氓》要改名..即係你手上果本《龍虎門》，依家仲出埋電影添！
內容描寫一班草根階層的青年跟流氓、地痞、惡霸的正邪對決，「標榜行俠仗義的小流氓」以狠辣的武打招式吸引了不少讀者。
1980年
《中華英雄》－ 馬榮成
嗱嗱嗱..唔好話我知你唔知呢套係咩啊..我唔睇公仔書我都睇過套電影啦！
故事主角華英雄，同老婆潔瑜有一子一女 ，兒子華劍雄 及 女兒華文瑛。
仲有華英雄師父金傲，師兄弟生奴同鬼僕。
記番起呢？係啦，就係呢套漫畫出咗一名句：
「我命犯天煞孤星，無伴終老 ，孤獨一生。」
1989年
《風雲》－ 馬榮成
仲有呢套都係改篇成為電影既名作之一，唔好話我知你冇印象啊！=0=
「金鱗豈是池中物，一遇風雲便化龍。
九霄龍吟驚天變，風雲際會淺水游。」
雄霸、聶風、步驚雲。
所謂: 成也風雲，敗也風雲。
1992年
《古惑仔》－ 牛佬
陳浩南你無理由未聽過啦..仲唔少得山雞同洪興十三妹，唔知佢有漫畫都知鄭伊健同陳小春曾經拍過n咁多集既古惑仔電影啦，仲出埋online game添。
概括啲講就係講所謂既江湖，漫畫入邊既社團包括洪興同東英，好明顯主角係陳浩南，佢朵家花叫細細粒。
其實大家覺唔覺《古惑仔》好多近年既封面都用咗鄭伊健個樣黎代替陳浩南~ XD
( 大家記住《古惑仔》漫畫中既江湖只係純屬虛構，大家唔好信以為真 )
《麥嘜》《麥兜》－麥家碧
春田花花？！係近年好出名既本地漫畫。
麥嘜同爸爸、媽媽、緣緣同達達一齊住，仲有同學仔阿得巴啦、阿菇時啦、阿輝啦、阿MAY啦同阿JUNE啦，當然唔少得既就係麥兜同麥太啦。
成班朋友仔就讀春田花花幼稚園，校訓「吾德物賜」，校舍位於深水涉北河街德和燒味閣樓。
由麥嘜同麥兜做主角，佢地拍過唔少電影架，包括《麥兜故事》、《麥兜菠蘿油王子》同最近既《春田花花同學會》。
==================資料來源分隔線==================
我唔記得..因為一路搵一路寫，但係就係冇mark低出處～ XD
如果係圖既話大部份都係用番原出處既網址，資料一般由出版社處尋找，另外亦有係
香港文化博物館找到少許資料。
總之所有資料由互聯網尋得，請大家自便。^o^
原帖by JC
[
本帖最後由 rainbow* 於 2007-10-8 05:59 編輯 ]
主頁
