各位大專生，你哋揀咗ｄ咩科嚟讀呀？

除咗易讀，同冇得揀之外，梗有ｄ理由令你選擇嗰科嘅．可唔可以分享吓呢？

諗住畢咗業後，最理想係入邊一行呀？

你講我呀? XDDDDD

我遲D先edit~
依家去返學~

======================

各位大專生，你哋揀咗ｄ咩科嚟讀呀？
答: BA Geography (BA=Bachelor of Arts) <-- Major
　　讀過咩科? 多的是...多數year 1讀既有..Mandarin..Computer Science..English..Economic...Geography..Earth Science..Math..Philosoply..Psycology...我個系一定要讀五個唔同既subject..儲夠30個credits咁既...
Major入面既field就唔多講喇..因為太多~ 大概分開三類...Science base geography...social geography..urban planning

除咗易讀，同冇得揀之外，梗有ｄ理由令你選擇嗰科嘅．可唔可以分享吓呢？
答: 唔係易讀架~係個系好細...出黎競爭少D...同埋自己對GEOG好有興趣..唔係D死記科...所有歷史都係可以o係地面既materials搵到...尋寶咁 GEOG係適合D..要理解之後先入到腦既學生讀..besides..我唔想坐o係office..40 hours a week..我係D坐唔定既人..
如果要我日日死板做野..我會死...我要D creative同要用腦既野...

諗住畢咗業後，最理想係入邊一行呀？
答: 最理想入urban planning既company...SIS research company...天文台...mining industry...etc
anything related to geography囉~教書其實都得..不過...唔多想...XD
做唔到哩D都有其他既...anything is related to geography

題外話...經常D人一知道你讀Geography呢..就會問你..."知唔知..咩咩咩山o係邊呀..."
哩D其實係好愚蠢既問題...因為讀geography..你o係邊度讀..就會focus o係邊個地區..basic野係會知..
但係讀geog唔代表要記得晒..咩咩山o係邊度咁...讀geog唔係記地圖

各位大專生，你哋揀咗ｄ咩科嚟讀呀？

我讀既係Bachelor of Business..香港學生有半數都係揀呢科架啦..
(Acc通常有自己既Bachelor..果然係人強馬壯!)
我係double Major Marketing市場推廣&HR人力資源..
business既core黎黎去去都係果d架啦, 不過因為double major..
所以我只有一科elective, 我就揀咗Business Communication..
其他都係core subject
mkting, consumer behaviour, mkting communication, services mkting, mkting research, mkting law..
hrm, org behaviour, hr development, int'l hr, hr info system, org change&development, industrial relations..
等等啦..太多, 多到我自己都唔記得..唔好話讀過d乜, 我連自己讀緊d乜都要諗諗先記得


除咗易讀，同冇得揀之外，梗有ｄ理由令你選擇嗰科嘅．可唔可以分享吓呢？

mkting係出名吹水科黎架啦..哈哈!! 總之畀你講到天花龍鳳, 總之make sense就得..hr我係睇住個trend黎讀..
反正我覺得2科都好適合我性格, 鍾意啲對住人既job, 又或者可以天馬行空咁諗野..
其實仲有一個原因, 因為我有意願想做PR, Ad 或者 event organising既job..我覺得呢2科combine埋一齊好配合我既理想工作


諗住畢咗業後，最理想係入邊一行呀

我想做PR, Advertising, event management 呢一類工種囉..
如果講industry呢, 我女仔黎架嘛, 所以最想都係做fashion&beauty一類, 亦都想過entertainment..其實如果可以係professional consultancies度做都得..
有冇人有好介紹先? 做短期都唔mind架~ 哈哈!!


[ 本帖最後由 JC 於 2007-11-19 09:19 編輯 ]

引用:

原帖由 小夜 於 2007-11-10 00:46 發表
你講我呀? XDDDDD

我遲D先edit~
依家去返學~

======================

各位大專生，你哋揀咗ｄ咩科嚟讀呀？
答: BA Geography (BA=Bachelor of Arts)  

地理真係好多野玩 又可以了解地球多D 最正係D地形變化XDDD

好多謝小夜，JC同我地分享呀！

唔知其它既大專同學可唔可以都分享一下呢？

咦我好耐冇出過聲…哈哈…
等我呢個蕃薯人又答下先~

各位大專生，你哋揀咗ｄ咩科嚟讀呀？
　　香港中文大學食品及營養科學課程(Food and Nutritional Sciences Programme，簡稱FNS)。
　　個名係「課程」，但係佢都係一個bachelor degree黎架…
　　我地讀0既野係有食品同營養兩邊0既野。
　　食品係讀下food processing，food safety 0個D野啦，咁營養就係讀營養囉…
　　不過我宜家year 1都係讀D基本Biochem同Bio野…得一兩個Course關Food Tech事=3="
　　同埋諗住minor Psychology ^-^ 純粹興趣~

除咗易讀，同冇得揀之外，梗有ｄ理由令你選擇嗰科嘅．可唔可以分享吓呢？
　　其實真係有D冇得揀架…
　　因為我AL讀Bio，Chem，Psychology…冇讀Physics同Pure Maths真係少左好多Science科可以讀。
　　同埋唔好以為宜家個個講纖體講健康飲食讀營養就好好出路…下面0個part再講~
　　不過0係理科黎講(尤其是中大理學院黎講)，FNS都算係最實用0既一科。
　　同埋上堂做lab都幾好玩，有得食下野煮下野食咁~

　　仲有就係要講下讀FNS點解要揀中大唔好揀港大。
　　原因其一係不嬲社會上對中大FNS畢業生0既評價都好D…
　　其二係，中大同港大0既FNS都唔係一個系(department)，而係由幾個系開出黎0既一個學士課程。
　　中大就係由生物(Biology)系同生物化學(Biochemistry)系開0既，而港大呢，好似係Department of Botany同Zoology開囉…咁你地話邊個會好D啦…

　　不過我揀中大好大原因都係因為我自己極度鍾意中大

諗住畢咗業後，最理想係入邊一行呀？
　　最理想就緊係做註冊營養師啦！
　　不過好對唔住，讀完個degree出黎你係唔會做到註冊營養師架~
　　(你可以自稱係營養師，冇人會告你，因為香港係冇營養師註冊制度)
　　要做註冊營養師最好去外國讀一兩年master，考個國際營養師牌番黎。(不過又唔係到到俾overseas讀喎…)
　　HKU Space隔一兩年都有course開，收30個人到，但係唔係國際營養師牌，你一出左香港就唔係註冊營養師。
　　同埋香港0既實習機會好少，30個人讀，分分鐘得10個人有得實習做到註冊營養師。
　　最重要其實係香港對註冊營養師0既需求唔大，一間醫院得三四個註冊營養師。
　　你話去0個D纖體公司做咩？算啦0個D呃人0既，根本唔係要你身為一個註冊營養師有0既知識，而係要sell佢公司0個套。
　　
　　不過呢，好似我頭先講咁，我地讀兩邊0既野架嘛，唔去營養0個邊咪去食品0個邊囉~
　　食品就大把野做喇！去快餐店食品廠做QC啦，去supermarket做food labeling 0個D啦，驗下邊D野食有毒啦，研究新food product等等啦…講唔晒咁多！

都係食品檢測 Market大D..同好搵D

唉! 我都頭痛緊讀唔讀個SIS cert. 呀~讀就要多兩個sem. =o=
讀左就多D出路~不過GIS 好難 =o=
睇下我下個sem點~如果要讀多個既話..會同advisor商量下~

你地就好~~個個都有得讀大學~~~

各位大專生，你哋揀咗ｄ咩科嚟讀呀？
讀了兩年 - 生化學 (Bachelor of Applied Science)
然後轉了major 現在第三年 - 護士學 (Bachelor of Science Nursing (Honours))
(**我係海外學生耶~)

除咗易讀，同冇得揀之外，梗有ｄ理由令你選擇嗰科嘅．可唔可以分享吓呢？
我都唔覺得易讀........................................
果時中學畢業。唔知自己鐘E D 咩。個個都走去讀Science
甘我米又去讀lor...讀讀下。發覺自己唔太鐘意。然後轉Nursing
雖然都係Science 但係學既野就係Health Science...
其實轉個是都有DD猶疑。因為我驚我又唔鐘意。
後尾讀讀下。發覺無揀錯。學到既野係一定用到
同埋可以幫到人。發覺自己越來越鐘意呢個field....
其實Nursing 係好好既一個profession。但未必個個可接受到
我最鐘意就係出去實習。暫時黎講。
去過Pediatric Unit, Respiratory Unit, Rehab /Palliative Unit
係個幾個term 實習都學到好多野。可能我都算幾幸運 ...
入過 Operation Room 又跟過D Respiratory Therapist
佢又帶你去Intensive Care Unit, ER, 開刀生仔。。。等等
今個term 會去Surgical...  希望我grad 個個term 可以去婦產科...
但最想去既應該會係病童醫院 XD
因為外國同香港唔同。唔係有得俾你入晒去甘多個Unit 實習
which is 我覺得好可惜

諗住畢咗業後，最理想係入邊一行呀？
最理想。我會想做幸福少奶奶。哈哈哈哈哈哈
入返正題....
我諗都無咩得可以揀。一定係護士喇。
但護士都有分好多種。同埋好多個field...
睇下你鐘意對住D咩patients la... 哈~
我諗我想做兒科或婦產科既護士



[ 本帖最後由 檸檬草 於 2008-1-12 06:14 編輯 ]

引用:

原帖由 檸檬草 於 2008-1-11 14:09 發表
各位大專生，你哋揀咗ｄ咩科嚟讀呀？
讀了兩年 - 生化學 (Bachelor of Applied Science)
然後轉了major 現在第三年 - 護士學 (Bachelor of Science Nursing (Honours))
(**我係海外學生耶~)

除咗易讀，同冇得揀之外，梗有ｄ理由 ...

護士..勁呀! 我覺得真係鬼咁偉大~
因為要執屍同勇氣好大先得~