1.想食入哂味既話:
滾好適量既水，然後落麵，等的麵散開哂之後，再落麻油，味粉然後撩佢幾下熄火，蓋好個煲等5分鐘左右，搞掂

2.想食香口既話:
滾好適量既水，然後落麵，等的麵散開哂之後，用筷子夾上碟個煲的水倒哂佢，然後用回個煲加少少油，燒兩燒之後將的麵倒返落去，然後個煲輕輕離開火面，同時用木筷子勁撩的麵，唔好俾佢痴底，炒幾炒之後，落3/4包味粉，再勁撩，撩到的色澤平均的然後上碟再加麻油，搞掂...(記住唔好用穫黎炒，難食好多)

3.想食爽口既話:
先放一大煲凍水用另一個煲滾好適量既水，然後落麵，等的麵散開哂之後，用最短既時間倒左的熱水去，再將的麵倒落果大煲凍水果度，再開大水喉勁沖的麵等的麵凍左，然後要即刻隔哂的水去，唔好用水沉住的麵(成個過程動作要快..)，然後用個細煲，放適量水，落味粉，較好味之後水滾熄火將的湯倒落的麵果度，加麻油..又搞掂...

4.芝士撈麵
用另一個煲滾好適量既水，然後落麵，等的麵散開哂之後，用最短既時間倒左的熱水去，然後將的麵上碟.跟住煲滾的新水，用個大湯殼，放適量既卡夫芝士落去個湯殼果度隔水將的芝士煮溶，溶左之後即時淋上麵面，食得...

5 . 勁懶煮法
滾好適量既水，然後落麵落粉落麻油，蓋好個煲然後由得佢煲，聞到公仔麵既香味之後，就可以熄火落碗

咁複雜咁既-0-"
不過我煮野不嬲都好好食架! xD

我仲有個更懶既方法...


蕃茄魚蛋叮叮麵

放麵~落味精...切個蕃茄落個碗度~放魚蛋(我既埂係素果D喇)
沖熱水落去..之後kum蓋..放入微波爐叮大概6分鐘

秘訣: 記得個碗放隻碟...有可能D水會滾出黎架~

如果想食蛋既話...搵隻叮得既細碗仔...打隻蛋落隻碗度之後攪拌..
放入微波爐叮30秒...Level-5/6 (我果個係1100V微波爐黎) Level最高係10
小心唔好俾佢熱得咁犀利

下次有相既話~up上黎先...

upload相先~

由於隻蛋叮得太耐..老左...
樣衰衰唔好見怪

解說:
1) 材料 (由於個麵太大~所以換左碗)

2)切好晒D材料

3)落熱水 (碗下面有個碟裝水)

4)kum蓋

5)麵叮好之後..叮蛋

6)完成品

原來啲相就係咁用

咦咦~~可能我屋企比較奇特，我個煮面方式一向都同人地唔同=.="

我會先滾水，之後途中放味精同麻油，D水滾左，先再放麵
之後整散D麵就OK

理念係，可以有多D時間令到D麵入味D
或者你地都可以試試，個人認為，食左咁多年，都係咁食好D

有空影一次
不過味粉先落無用的
高溫會破壞

我食過香港多間快餐店嘅五香肉丁炒出前一丁．發覺不外如事．又落豉油，麵身又濕．冇黎口感．
明明好簡單嘅炒麵，搞到複雜化．嚇鬼咩！

不如自己整．唔駛五分鐘就有得食

材料

洋蔥                三分一個 (切粗絲)
罐頭五香肉丁        兩湯匙 (先用匙羹壓碎)
青蔥                一棵 (去蔥白，切段)
出前一丁麻油麵        一包
出前一丁味粉        半包

煮法：

先用沸水快手煮開麵餅．瀝水備用
燒熱易潔鑊．下一茶匙油．下洋蔥絲爆香．
下出前一丁及味粉，蔥段．用筷子將麵炒開．
下五香肉丁兜混至麵身略乾即可

如果有易潔煲，就用易潔煲將麵煮開．用返個煲黎炒麵．洗少隻鑊．

神月：

麻油永遠都係個麵上碗先好落．麻油一煮就冇香味架喇．我同意蕉仔嘅講法．味粉高溫係對健康有應響嘅．我都鐘意入味ｄ，不如煮好，熄火後先落味粉．再上碗．雖然係冇咁入味，但身體要緊呀！

睇到都想食啦！宜家就去煮,多謝介绍.--王子

我煮公仔面既方法:
1) 煲一煲大滾水
2) 放個面入去,
3) 個面散開就夾上碗
4) 唔駛過冷河
5) 落味包
6) 加新既大滾水(唔係煮面果D水)至剛剛好蓋過D面
7) 等D面浸下D湯2分鐘左右
8) 加麻油
9) 食得~~

** 唔用煮過面既水做湯係因為公仔面係油炸既,煮面果D水有油,唔用果D水比較健康~
** 唔煮個味包係因為裡面有味精,味精係唔適合用高溫煮既~原因我唔識解~
** 麻油一定係最後落,煮過就唔香架喇~~